“Wynmakers is opgewonde oor die uitstekende wyngehalte wat hierdie seisoen verwag word.”
Laai Vinpro Tegniese Oesverslag 2024 hier af.
As ‘n kliëntgesentreerde organisasie verstaan ons die aansienlike aanvraag van ons lede om ‘n Vinpro tegniese oesverslag vir 2024 te ontvang. Vanjaar kan ons lede ‘n opwindende verslag verwag wat nog meer tegniese inligting uit alle wynboustreke sal bevat.
Die 2024-oes is gekenmerk deur die konvergensie van ‘n reeks klimaatsgebeure wat op streeksvlak plaasgevind het. Wat die opbrengs betref, het streekstendense gewissel, wat toegeskryf kan word aan die plaaslike impak van unieke faktore soos ryp, swaar winterreënval, vloede, wind en lae somerreënval.
Produsente moes aanpasbaar en flink wees om die gepaardgaande uitdagings te oorkom. Nietemin is wynmakers opgewonde oor die uitstekende wyngehalte wat hierdie seisoen verwag word, as gevolg van klein bessies, goeie rypwordtempo en matige, droë toestande gedurende die oesperiode.
Wynmakers is veral opgewonde oor volronde rooiwyne met besonderse kleur en tannien-ekstraksievlakke. Op die wit kultivarspektrum kan wynentoesiaste uitsien na vars wyne met ruim tekstuur en mondgevoel.
Kyk na ons video vir meer inligting oor die 2024 Oes hier af.
